وينــــــي مشـــــات النـّـــــغــــره ـــــــــــــــــــــ

وينــــــي مشـــــات النـّـــــغــــره



ويني مشات النّغــــره و تبدّلت الافكـــــــــار .......... بعنا الشّرف و الهمّه و مفاخر العـــــــــرب

و السّاس طاح تهدّم باللــــعب و الزقـــــــار .......... يا سامعي افهمني الوخزان في الجــنـــــب

الصّيد شايع سيـــطه غــلاّب في القحـــــــار .......... اذا رزم زلازل محــــــــال يتغـــلـــــــــب

معروف حاكــــم يحكم صنديد بو لضفـــــــار .......... حرمته مصانــــه و مهاب في الغيــــــــب

حكولي عليـــه جدودي واحناي ذر صغــــار .......... حرم الصـــيود واعر محال يتقـــــــــــرب

لا يطب ليــه الذيب لا يزوز له غــــــــــدّار .......... و مسكيـن من يدخــله مدفون ينحســــــــب

الرجلين قاتلـي هـيّ نقطـعــو لقـــــــــــفـــار ........... وانوصلك لصّــيد و اتشوف ما تحــــــــب

فتحــت عيني ريتــه نلقاه في دمّـــــــــــــــار ........... محبوس حبســـه هيّ مربوط م الشنــــب

مسكين حاله يسخـّــف يعيش في مــــــــــرّار ........... قالي اش كونك يا راكب التـّــــــــــــعب

ما تخافشي قربلــــي راهو الشـّـبح قصـــــار . ......... و قولّي خبـّــــرني عل اسم و الســـــبب

كمال قتـــله اسمي شـاعر اشـّــعـّـــــــــــار .......... . زرمديني نلوّج في البـر عل عجـــــــــب

قالــي اسمعني خانعيـــــد لك الاخبــــــــــار ........... خوذ منـّي حكمه اغــــلى من الذ ّهـــــب

الصّغر موشه دايم عل طايـــــل الاعمــــار ........... و الكبر يا عطيه قهـــره لكان يتغـــــــلب

صابني هبّــــــــاني وجابـــــلي لظـــــــرار . ...........والهوش ليّ تنكـّركي صرت في عطـــب

هيبتي حقــــــروها و ما عاد لــــيّ كـــــار ........... ربّيتـــهم ذلـــــّوني ورضـــاو بالهـــــــزب

عييــــت نجري عليـــهم بصغارهم بكــــبــار .......... و كلّتــــــهم بيـــديّ من افخـــر الوجـــــب

نساو خيري معاهــــم وتبدّلــــت لفكــــــــار .......... داروا عليّ جمــــــله ومليحــــهم ذهـــــــب

و حرمتــي يـا شاعـــر ارقع فيها الفـــــــار .......... و البهيـــم اتصوّر في مكانــتــي نصــــــب

وهاهو حكم عليّ بالكي بــــاجمـــــــــــــار .......... و حكم البهــايم عندي موش هذا عـــــــجب

يا شاعــــري اطّمّن ما عــاد فمّه عبــــــار .......... شــــوف ســـعدي نايا بـــعد الدلال تكــــــب

وقالي ما عـــادش من يفــــــديوه الثـّـــــار ........... الشـــبل دارو بيه دزّازة الـــركــــــــــــــب

نحساب يطلع كيفي ما يحــــب العــــــــــار ........... طلع كيف الزكره مصنوع م الــحطـــــــب

قالو اصحاب الحكمه و كلامهم مــــــــعيار ........... عرضـــك اذا تقطــع مـــا يفيد فيه طـــــب

والنفس راهي نفسك يا سامع الاسطـــــار ........... اقراء حساب الـــــعاش و مات ما كســب

ني والدي خلا ني نشعل مثيل انـــــــــــّـار ........... وباباي كان زناد يا طـــــالـــب الشغـــــب

ومن بـــعدنا لثنــــــين ما فم كان غبــــــار ........... وقول ربّــــي يفرّج على جملة الكــــــرب

ياسـامعين الروشــــن من صايغ الا شـعار .......... كمال نقرا سلامي على كل من حضــــــب

ولد عاشور معلم وكلمتـــــــــــي بقنطــــــار ........... ما ثم منه كيفـــي في ســـاحة الطـــــرب

الشّاعر :عبــد الســـلام عــاشــور

شكرا جزيلا