سود الليالي

موضوع: سود الليالي الثلاثاء أكتوبر 21, 2008 6:10 pm

..لو تعرف الخطايا كيف كنت محروم ..
.. كان سود اليالي يوم طحت سمحت ..
..ولو هموم المفارق مثل كل الهموم..
..ماتشوفون عيني بالدموع سبحت..
..ولو تحن المشاكل عقب حب الخشوم..
..كان حبيت خشم المشكله واستحت..
..بين صدت عزيز وكبرياء مهزوم..
.. عين شحت علي وعين استسمحت..
..بس من الله خلقني من بكاى معصوم..
..وادري ان المحاجر لو تفيض فضحت..
..والله اني على جرحي صبور وكتوم..
.. لكن ان الدموع ان روحت روحت..
..اعذلتني ظروفي وانهكتني عزوم..
..والوجيه حزنت لي والقلوب فرحت..
..والله ان الليالي ماتعرف السلوم..
..قلب جافي لقاه ووجه صافي بحت..
..راهنتني تبلل بالدموع الكموم..
..ويشهد الله عليها راهنت وربحت..
..احرمت نور عيني من غلآ ريم قوم..
..بذرة وارتوتني واثمرة وطرحت..
..جادل دوم ماهي مثلها كل يوم..
..استضاحت الغموض وبالغموض وضحت..
..دورت بين قلبي والهدب درب نوم ..
..وامرحت وين مدري المهم امرحت ..
..تنحت اسمي بقلب جيت فيه معزوم..
..واسمها بين جلدي والعظام انحت ..
..مثل جفني لعيني بالنعاس محكوم..
..كل مانمت نامت كل مااصحى صحت..
..ماتعارض كلامي غير عند اللزوم..
..بس لاقمت اسولف واندمجت اسرحت..
..دايم ازعل عليها بس قلبي رحوم..
..وهي تموت بعذابي من تحت لـتحت..
..مثل وجه الصداقه في ثياب الخصوم..
..ان تطيبت طابت وان جرحت جرحت..
..خصها الله بوصف من خيال معدوم..
..لااذان سمعت به ولا عيون لمحت..
..كن ربي خلقها من بياض الغيوم..
..ومن كفوف السحابه بالورد لقحت..
..عن سواها فرقها بالقمر والنجوم..
..وكل عذره تباهى بالجمال نزحت..
بالحلى هي كوم وباقي الناس كوم..
..كفة عادلوها بالبشر ورجحت..
..حسبي الله على اللي مابغاها تدوم..
..من بعد كيف كانت شوف كيف اصبحت..
..لاتحقق وصال ولا فراق محتوم..
..خطة قربتني للفشل وانجحت..
..لعنه العشق تبقى مثل ضرب السهوم...
..لو محى الوقت جرحه صورته ماامحت..
..كيف ابنسى وانا اللي من جفاف لسموم..
..ماحشمت العيون ولا الدموع فلحت
..كانها بالحميه كل ربعي يقرون..
.. لو يلدون صعاب الظروف صلحت..
..اجزم ان كنت ياقلبي شجاع وجزوم..
..لد لعيون بنت لاالتفت لفحت..
..ماتهين البخيل الا يدين الخدوم..
..دام كف الخطايا بالجفا لوحت..
..نطح البأس بأس ونطح اللوم لوم..
..وان تهدت تهد وصيح ان صيحت..
..ياتعيش بمعزة ياتموت محشوم..
..ودك ان الليالي لافعلت مدحت..
عمر ضعف الاراده مايسر الرخوم ..
..ظربه السيف لو بيد الشجاع ذبحت..
\
/
\
للشـــاعـــر / حــــامـــد زيـــــد